ڕێکخراوی ئامێز لەساڵی 2005 دامەزراوە

ناوی ڕێکخراو : ڕێکخراوی ئامێز بۆ گەشەپێدانی تواناکانی کچان

ڕێکخراوێکی ڕۆشنبیری و کۆمەڵایەتیە تایبەتە بەکچان وەک ڕێکخراوێکی کوردستانی ناحکومی بێلایەن کاردەکات ، بڕوای بەپرانسیپە بنەڕەتیەکانی مافی مرۆڤ و یەکسانی نێوان هەردو ڕەگەز هەیە یەکێکە لەو پرۆژانەی کەدەچێتە چوارچێوەی کاری سیاسەتی یەکسانی حکومەتی هەرێمی کوردستان و کاردەکات بۆ برەودان بەتواناو بەهرەکانی ئەو توێژەی کۆمەڵ.

ئامانجەکانی ڕێکخراوی ئامێز:

١.گەشەپێدانی توانای ڕۆشنبیری و کۆمەڵایەتی و ئابوری و ئەندروستی و جەستەیی ، کردنەوەی خولی هۆشیاری و ڕۆشنبیری بۆ ئاشناکردنیان بەکۆمەڵگەی مەدەنی و بەئەرک ومافەکانی خۆیان .

٢.کردنەوەو گرنگیدان بەخولەکانی درومان وئیشی دەست و وەرزش و لەشڕێکی و هونەرو فێربوونی زمانی ئینگلیزی و کۆمپیتەر .... هتد .

٣. ڕێگەخۆشکردن بۆ کرانەوەی ئافرەت لەگەڵ دامودەزگا حکومیەکانی ناوخۆ و دەرەوەی هەرێمی کوردستان  بۆ ئاشنا بونیان لەدەستەڵاتە جۆراوجۆرەکانی نێودەوڵەتی و ڕێکخراوەکانی کۆمەڵگەی مەدەنی .

٤.سوود وەرگرتن لەتواناکانیان لەبوارە جۆراوجۆرەکاندا .

٥.هاتنەدەرەوەی کچان بەرەو ڕێکخراو بۆ تێکەڵاوبونیان لەگەڵ هاوڕێکانیان و بیروڕا گۆڕینەوە و بردنەسەری کاتێکی خۆش بۆ بیرکردنەوەیەکی ئازاد دوور لە ژینگەی ناو ماڵ .

٦.هاندانیان بۆ کارکردن لە پرۆژەی یەکسانی نیرومێ و دەرچونی ئافرەت لە قەفەزی دیلی کۆمەڵگە دوور لەنەریتی پیاوسالاری .

٧.هاندانی کچان و پشتگیریکردنیان بۆ ژیانی هاوسەرگیری بەمەبەست و خواستی خۆیان بەشێوازێکی هاوچەرخانە

٨.کارکردن لە پێناو نەهێشتن و بنەبڕکردنی کوشتنی ئافرەت بەناوی شەرەفەوە

Tel : +964 (0) 7501837212 / 07501711448

Email :  awaz@amezhalabja.se